Шарап ішкен адамның 40 күн намазы қабыл болмайды?

[Абу Дауд]

ассаламу алейкум!
'амр ибн аль-асс, абдуллаһ ибн аббас, абдуллаһ ибн омардан келген хадистердегі:"..шарап ішкен адамның 40 күн намазы қабыл болмайды.." дегенді қалай түсінеміз?
аллаһ разы болсын!

[Daniyar Abu Zakariya]

`аләйкум сәләм!

Шейх Мунәжжид айтқан: «Намаз қабыл болмайды деген, оның есептелмейтінін және оны (оқымай-ақ) қалдыра салса да болады дегенді білдірмейді. Бірақ оның мағынасы, адамның ол үшін сауап алмайтынында. Ол намазын міндетін өтеу, әрі қалдыру себебімен күнә алмау үшін оырдайды» Қараңыз: http://www.islamqa.com/ar/ref/27143.

Әбу `Абдуллаһ ибн Мәндаһ былай деген: «Намазы қырық күн қабыл болмайды», деген сөздің мағынасы: арақ ішкені үшін жаза ретінде қырық кін намазының сауабын алмайды. Мәселен, жұма күні имам хутба айтып жатқан кезде сөйлеген адам туралы «жұмасын оқиды, бүрақ жұмасы жоқ» деген сияқты. Бұның мағынасы: ол күнәсі үшін жұманың сауабынан айырылыр қалады» («Та`зим қадри әс-соләт» 2 / 587 ، 588).

Имам Нәуәуи былай деген: «Ал намаз қабыл болмайды дегені, яғни оның сауабы болмайды».

Аллаһ жақсырақ біледі!